En l’an de l’Incarnacion,
Uit jors après la nascion
Jhesu qui soufri passion,
En l’an soissante.
Qu’arbres n’a foille, oisel ne chante,
Fis je toute la rien dolante
Qui de cuer m’aime.
Nis li musars musart me claime.
Or puis filer, qu’il me faut traime :
Moult ai a faire.
Diex ne fist cuer tant deputaire.
Tant li aie fet de contraire
Ne de martire,
S’il en mon martire se mire.
Qui ne doie de bon cuer dire : «
Je te claim cuite ».
Envoyer un homme en
Egypte,
Ceste dolor est plus petite
Que n’est la moie.
Je n’en puis mes se je m’esmoie.
L’en dit que fols qui ne foloie
Pert sa seson :
Sui je mariez sanz reson ?
Rutebeuf
Mariage
Soyez le premier à commenter